Andres Hagen

Andres Hagen

Plassguten Andres T. Hagen kom frå trange kår i Ål. Men
han hadde sjeldsynte evner, samstundes som viljekrafta og
pågangsmotet hans var noko utanom det vanlege.
Hugen hans stod til boka. Alle vegar såg ut til å vera
stengde for han, som for andre plass-gutar på den tid —
men Andres ga ikkje opp. Han drog til Amerika, sleit seg
fram og tente sjøl kvar einaste cent som utdanninga kosta.
25 år gammal — etter ti år i USA — hadde Andres T.
Hagen skaffa seg ei utdanning som svarar til magistergra-
den Han var frisk, sterk og full av mot. Neste mål var
den filosofiske doktorgraden. Men her kom han så vidt i
gang, før verdskrigen braut ut i 1918. Også den unge Andres
vart innkalla og send til fronten i Frankrike. Der fekk han
tuberkulose, som sette sluttstrek for lærargjerninga hans.
Men så får vi høyre om korleis han på sin eigen, utrulege
måte vann over sjukdommen. Deretter var det å gå i gang
og utdanne seg til sakførar, ved sjølstudium! Han arbeidde
opp ein god sakførarpraksis i Phoenix, Arizona, og nytta
seinare til Los Angeles, der han no bur.
Det er ei levande og detaljrik skildring Andres Hagen
her har tala inn på lydband, ei skildring som gir eit forvitne-
leg bilete av ymse sider ved det norske og amerikanske
samfunn og folkeliv frå århundreskiftet og i tida som følgde.
Frå Hallingdølen 16. juli 1968